Knittinna

Hönnuður: Knittinna / Tinna Sigurðardóttir

Sölvi vettlingar eru háir og haldast vel á höndum barnsins. Þeir henta vel bæði undir og yfir útiföt. Hátt stroffið gerir það að verkum að þeir liggja þétt að handleggnum en gefa samt eftir ef þeir eru settir utan yfir föt. Minnsta stærðin er þumallaus og eru vettlingarnir alveg frábærir í vagninn.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Filcolana Pernilla eða Kelbourne Woolens Scout

Það sem þarf

• 4,0 mm 3 Addi Crazy Trio prjónar eða 5 sokkaprjónar  (eða þá stærð af prjónum sem gefur rétta prjónfestu).
• Nál fyrir frágang.

Prjónfesta

22 lykkjur á 10cm

Hönnuður: Knittinna / Tinna Sigurðardóttir

Ylja lambhúshetta leggst einstaklega vel að höfði barnsins. Stuttar umferðir eru gerðar eftir stroffið svo hún nær vel fram á ennið og einnig aftan við hnakka. Berustykkið nær vel niður á bringu og bak en auðvelt er að stýra lengdinni eftir hentisemi.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. 

Garn

Filcolana Pernilla (175m/50gr) eða Kelbourne Woolens Scout (250m/100gr). Athugið að uppgefið garn er nokkuð drjúgt svo ef annað garn er notað gæti þurft aðeins meira. 

Það sem þarf

• 3,5 mm hringprjónn (40 cm)
• 4,0 mm hringprjónn (40 cm)
• 4,0 mm 3 Addi Crazy Trio prjónar eða 5 sokkaprjónar
• Prjónamerki.
• Nál fyrir affellingu og frágang.

Prjónfesta

22 lykkjur á 10cm

Hönnuður: Knittinna / Tinna Sigurðardóttir

Hugga dudduband er tilvalið í afgangaprjón. Það fer afskaplega lítið garn í það en er samt sem áður mjög gagnlegt fyrir lítil börn til að duddan týnist ekki. Duddubandið er prjónað fram og til baka langsum og er saumað saman að aftan. Sauma þarf klemmu á annan endann og á hinn endann er gerð lykkja sem hægt er að festa beint í dudduna eða setja gúmmíhring til að festa á dudduna.

Garn

Filcolana Merci. Tilvalið að nota afganga af garni með sömu prjónfestu. Gott er að nota bómullargarn eða annað garn sem má þvo á 60°C. 

Áætlað magn af garni

5-8 gr.

Það sem þarf

• 2,5 mm sokkaprjóna eða hringprjón
• Nál fyrir affellingu og frágang
• Klemma
• Gúmmíhringur (mismunandi eftir duddutegundum hvað passar og hvort það þurfi).

Prjónfesta

27 lykkjur á 10 cm

Hönnuður: Knittinna / Tinna Sigurðardóttir

Ylja kragi er hlýr og notalegur í hálsinn. Hann nær vel niður á bringu og bak og er því tilvalinn á köldum vetrardögum.  

*Athugið að um áætlað magn af garni er að ræða og er ólíkt eftir garni og prjónara hversu mikið þarf.

Garn

Filcolana Pernilla (175m/50gr) eða Kelbourne Woolens Scout (250m/100gr). Athugið að uppgefið garn er nokkuð drjúgt svo ef annað garn er notað gæti þurft aðeins meira. 

Það sem þarf

• 3,5 mm hringprjónn (40 cm)

• 4,0 mm hringprjónn (40 cm)

• Prjónamerki

• Nál fyrir affellingu og frágang.

Prjónfesta

22 lykkjur á 10 cm

Hönnuður: Knittinna / Tinna Sigurðardóttir

Ylja kragi fullorðins er fyrir öll kyn og kemur í kjölfar barnakragans, þá geta allir fjölskyldumeðlimir verið í stíl. Hann er einstaklega notalegur, nær vel upp hálsinn, niður á bringu og bak og veitir yl í kroppinn.

Stærðir (breidd framstykkis) 

Small (34cm) / Medium (36 cm) / Large (38 cm)

Magn af garni: 

150 / 150 / 200 gr af Filcolana Peruvian (100m/50gr) eða 150 / 150 / 150 gr af Isager Eco Soft (125m/50gr). 

Einnig er hægt að nota í allar stærðir 200 gr af Kelbourne Woolens Scout prjónað saman með 50 gr af Isager alpaca 1. 

Það sem þarf

• 4,5 mm hringprjónn (40 cm)

• 5,0 mm hringprjónn (40 cm eða 60 cm)

• Prjónamerki

• Nál fyrir affellingu og frágang.

Prjónfesta

18 lykkjur á 10 cm

Hönnuður: Knittinna / Tinna Sigurðardóttir

Ylur kjusa er ætluð fyrir yngstu börnin. Stuttar umferðir við enni og hnakka gera það að verkum að húfan leggst einstaklega vel að höfði barnsins. Falleg smáatriði gera húfuna sérstaka í einfaldleika sínum.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Filcolana Pernilla (175m/50gr) eða Kelbourne Woolens Scout (250m/100gr) eða Isager Eco Baby 150m/50gr). Athugið að uppgefið garn er nokkuð drjúgt svo ef annað garn er notað gæti þurft aðeins meira.

Það sem þarf

• 3,5 mm hringprjónn (40 cm)
  
• 4,0 mm hringprjónn (40 cm)
• 4,0 mm 3 Addi Crazy Trio prjónar eða 5 sokkaprjónar
• 1 prjónamerki
• Nál fyrir affellingu og frágang

Prjónfesta

22 lykkjur á 10 cm

Hönnuður: Knittinna / Tinna Sigurðardóttir

Chunky Ylja lambhúshetta er þykk og leggst einstaklega vel að höfði barnsins. Stuttar umferðir eru gerðar eftir brugðningu svo hún nær vel fram á ennið og einnig aftan við hnakka. Berustykkið nær vel niður á bringu og bak en auðvelt er að stýra lengdinni eftir hentisemi.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. 

Garn

Húfan er prjónuð með tveimur þráðum saman. Filcolana Peruvian prjónað saman með Filcolana Alva eða Isager Alpaca 1

Það sem þarf

• 4,5 mm hringprjónn (40 cm)
• 5,5 mm hringprjónn (40 cm)
• 5,5 mm 3 Addi Crazy Trio prjónar eða 5 sokkaprjónar
• Prjónamerki.
• Nál fyrir affellingu og frágang.

Prjónfesta

16 lykkjur á 10cm

Hönnuður: Knittinna / Tinna Sigurðardóttir

Hlýja hettupeysa er prjónuð ofan frá og niður. Sérlega þægileg peysa með víðu sniði sem þjónar tilgangi bæði peysu og lambhúshettu þar sem hettan heldur nokkuð vel að höfði barnsins. Byrjað er á hettuopinu. Vasinn er svo prjónaður eftir á.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. 

Garn

Einn þráður af Filcolana Peruvian prjónað saman með einum þræði af Filcolana Alva eða Isager Alpaca 1

Það sem þarf

• 5,5 mm hringprjónar (40 og 60 cm)
  
• 6,0 mm hringprjónar (40 og 60 cm)
• 5,5 mm 3 Addi Crazy Trio prjónar eða 5 sokkaprjónar
• 6,0 mm 3  Addi Crazy Trio prjónar eða 5 sokkaprjónar
• Prjónamerki
• Nál fyrir affellingu og frágang

Prjónfesta

15 lykkjur og 23 umferðir  á 10 x 10 cm

Knúsi er notalegt kúrudýr fyrir litla fólkið okkar. Það er gott fyrir smáa lófa að finna öryggi meðþví að halda í litlu hnútana. Hægt er að velja hvort dýrið verði kanína eða bangsi.

Stærðir

Ein stærð. Teppið er um 24x24 cm og höfuðið um 9x8 cm.

Áætlað magn af garni

80 gr af Filcolana Merci (200m/50gr). Nokkur grömm af öðrum lit af
svipuðu garni eða útsaumsgarni til að sauma í andlit.

Það sem þarf

• 2,5 mm hringprjónn (60 cm)
• Annar hringprjónn í stærð 2,0 mm, 2,5 mm eða 3,0 mm
• 2,5 mm Addi Crasy Trio prjónar eða sokkaprjónar
• Prjónamerki
• Nál til að sauma andlit og fyrir frágang
• Tróð fyrir höfuð

Prjónfesta

28l/10cm

Hugarró hjálmhúfa er fyrir minnstu krílin. Hjálmhúfur eru alltaf klassískar enda sniðið gott og nær vel yfir eyru og fram á enni.

Stærðir

Nýfætt, 1-3 / 3-6, 6-9 / 9-12, 12-18 mánaða

Ummál húfu

ca 34, 36,5 / 38,5, 43 / 45, 47 cm (ath þetta er ummál húfunnar, gerið ráð fyrir að
höfuðummál barnsins sé ca 2-3 cm stærra en ummál húfunnar til að hún passi sem best)

Áætlað magn af garni

50 gr í allar stærðir af Filcolana Merci (200m/50gr) eða Knitting for
Olive Merino (250m/50gr).

Það sem þarf

• 2,5 mm hringprjónn (40cm)
• 3,0 mm hringprjónn (40cm)
• 3,0 mm Addi Crasy Trio prjónar eða sokkaprjónar
• Prjónamerki
• Nál fyrir frágang

Prjónfesta

28l/10cm