Prjónfesta 21-23 lykkjur

HUNANG barnapeysa er falleg símynstruð peysa prjónuð ofan frá hálsmáli með laskaútaukningum. Mynstrið er gert með kaðalprjóni en auðvelt er að gera það án hans og er það skýrt út með myndbandi sem fylgir uppskriftinni.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við My Wool frá Gepard og Scout frá Kelbourne Woolens 

Garn

My Wool frá Gepard (50 g / 125 m), Scout frá Kelbourne Woolens (100 g / 250 metrar) eða Pura Lana frá Gepard (50 g / 115 m). 

Það sem þarf

• 3,5 mm hringprjón / 40 og 60 cm
• 4,0 mm hringprjón / 40 og cmcm
• 3,5 mm sokkaprjóna
• 4,0 mm sokkaprjóna
• Kaðalprjón eða aukaprjón (ekki nauðsynlegt)
• Prjónamerki

Prjónfesta

10 cm = 24 lykkjur mynsturprjón

YRJA barnapeysa er prjónuð í hring ofan frá hálsmáli. Útaukningar eru gerðar á berustykki sem mynda fallegan strúktúr á öxlum. Neðst á peysunni er falleg pífa með einföldu mynstri.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Baby Alpaka frá Kremke.

Garn

Baby Alpaka frá Kremke Soul Wool (100 m/50 g), Scout frá Kelbourne Woolens (250 m/100 g), Bébé Soft Wash frá Kremke Soul Wool (140 m/50 g) eða Pura Lana frá Gepard Garn (115 m/50g).

Það sem þarf

• 3,5 mm hringprjóna (40 og 60 cm) og sokkaprjóna
• 4,0 mm hringprjóna (40 og 60 cm) og sokkaprjóna
• Prjónamerki
• Nál fyrir frágang

Prjónfesta

21 lykkjur og 28 umferðir = 10x10 cm

YRKI smekkbuxur eru hluti af YRKI línunni frá MeMe Knitting. Buxurnar eru prjónaðar neðan frá í hring. Smekkur og bönd eru svo prjónuð fram og til baka. Fallegar smekkbuxurnar í einfaldleika sínum fyrir litlu börnin.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Scout frá Kelbourne Woolens (100g/250m), Bébé Soft Wash (50g/140m) eða Double Sunday frá Sandnes Garn (50g/108m). 

Það sem þarf

• 4,0 mm hringprjón (40 cm og 80 cm)
• 4,0 og 3,5 mm sokkaprjóna
• Prjónamerki
• Nál fyrir affellingu og frágang

Prjónfesta

10 cm = 22 lykkjur sléttprjón

SKJÓL fullorðinsvettlingar eru einfaldir og fljótlegir fyrir bæði dömur og herra. Gott snið er á þeim sem fellur vel að þumlinum. Gerðar eru útaukningar sitthvoru megin við þumallykkjur þar til vettlingurinn hefur náð réttri breidd. Vettlingurinn er þá prjónaður og þumallinn síðast. SKJÓL barnavettlingar hafa notið mikilla vinsælda hjá okkur.

*Athugið að um áætlað magn er að ræða og er ólíkt eftir garni og prjónara hversu mikið þarf.

Garn

Scout frá Kelbourne Woolens (100gr/250m) eða Bébé Soft Wash frá Kremke (50gr/140m)

Það sem þarf

• 3,5 mm sokkaprjónar
• 4,0 mm sokkaprjónar

Prjónfesta

10 cm = 22 lykkjur sléttprjón

Hönnuður: Knittinna / Tinna Sigurðardóttir

Ylja kragi er hlýr og notalegur í hálsinn. Hann nær vel niður á bringu og bak og er því tilvalinn á köldum vetrardögum.  

*Athugið að um áætlað magn af garni er að ræða og er ólíkt eftir garni og prjónara hversu mikið þarf.

Garn

Filcolana Pernilla (175m/50gr) eða Kelbourne Woolens Scout (250m/100gr). Athugið að uppgefið garn er nokkuð drjúgt svo ef annað garn er notað gæti þurft aðeins meira. 

Það sem þarf

• 3,5 mm hringprjónn (40 cm)

• 4,0 mm hringprjónn (40 cm)

• Prjónamerki

• Nál fyrir affellingu og frágang.

Prjónfesta

22 lykkjur á 10 cm

XOXO barnavettlingar eru fallegir vettlingar fyrir öll börn með einföldu kaðalmynstri á handabakinu.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn 

Scout frá Kelbourne Woolens (100 g/250 m)

 Það sem þarf

• 4,0 mm sokkaprjóna eða Crazy Trio prjóna frá Addi
• Kaðalprjón
• Prjónamerki
• Nál fyrir frágang

Prjónfesta

 22 lykkjur = 10 cm

#XOXObarnavettlingar

#memeknitting

ESJA barnavettlingar eru klassískir vettlingar fyrir börn á öllum aldri. Háir og góðir vettlingar fyrir kalda daga.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn 

Scout frá Kelbourne Woolens (100 g/250 m)

 Það sem þarf

• 4,0 mm sokkaprjóna eða Crazy Trio prjóna frá Addi
• Prjónamerki
• Nál fyrir frágang

Prjónfesta

 22 lykkjur = 10 cm

Hönnuður: Knittinna / Tinna Sigurðardóttir

Ylur kjusa er ætluð fyrir yngstu börnin. Stuttar umferðir við enni og hnakka gera það að verkum að húfan leggst einstaklega vel að höfði barnsins. Falleg smáatriði gera húfuna sérstaka í einfaldleika sínum.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Filcolana Pernilla (175m/50gr) eða Kelbourne Woolens Scout (250m/100gr) eða Isager Eco Baby 150m/50gr). Athugið að uppgefið garn er nokkuð drjúgt svo ef annað garn er notað gæti þurft aðeins meira.

Það sem þarf

• 3,5 mm hringprjónn (40 cm)
  
• 4,0 mm hringprjónn (40 cm)
• 4,0 mm 3 Addi Crazy Trio prjónar eða 5 sokkaprjónar
• 1 prjónamerki
• Nál fyrir affellingu og frágang

Prjónfesta

22 lykkjur á 10 cm

Hönnuður: Knittinna / Tinna Sigurðardóttir

Sölvi vettlingar eru háir og haldast vel á höndum barnsins. Þeir henta vel bæði undir og yfir útiföt. Hátt stroffið gerir það að verkum að þeir liggja þétt að handleggnum en gefa samt eftir ef þeir eru settir utan yfir föt. Minnsta stærðin er þumallaus og eru vettlingarnir alveg frábærir í vagninn.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Filcolana Pernilla eða Kelbourne Woolens Scout

Það sem þarf

• 4,0 mm 3 Addi Crazy Trio prjónar eða 5 sokkaprjónar  (eða þá stærð af prjónum sem gefur rétta prjónfestu).
• Nál fyrir frágang.

Prjónfesta

22 lykkjur á 10cm

Hönnuður: Knittinna / Tinna Sigurðardóttir

Ylja lambhúshetta leggst einstaklega vel að höfði barnsins. Stuttar umferðir eru gerðar eftir stroffið svo hún nær vel fram á ennið og einnig aftan við hnakka. Berustykkið nær vel niður á bringu og bak en auðvelt er að stýra lengdinni eftir hentisemi.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. 

Garn

Filcolana Pernilla (175m/50gr) eða Kelbourne Woolens Scout (250m/100gr). Athugið að uppgefið garn er nokkuð drjúgt svo ef annað garn er notað gæti þurft aðeins meira. 

Það sem þarf

• 3,5 mm hringprjónn (40 cm)
• 4,0 mm hringprjónn (40 cm)
• 4,0 mm 3 Addi Crazy Trio prjónar eða 5 sokkaprjónar
• Prjónamerki.
• Nál fyrir affellingu og frágang.

Prjónfesta

22 lykkjur á 10cm

Falleg húfa úr VÍK línunni frá MeMe Knitting. Húfan er prjónuð neðan frá með þéttu tvöföldu broti sem prjónað er saman.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við Double Sunday frá Sandnes.

** Athugið að um ummál húfu er að ræða, gert er ráð fyrir u.þ.b. 5-8 cm styttra ummáli en mælt höfuð (e. negative ease).

Garn

Sandnes Double Sunday (50g/108m) eða Scout frá Kelbourne Woolens

Það sem þarf   

• 4,0 mm hringprjónn / 40 cm     
• 4,5 mm hringprjónn / 40 cm
• 4,5 mm sokkaprjónar
• Prjónamerki

Prjónfesta

21 lykkjur = 10 cm mynsturprjón

VÍK barnabuxur eru hluti af VÍK línunni frá MeMe Knitting. Buxurnar eru prjónað ofan frá með fallegu en einföldu mynstri. Gerðar eru stuttar umferðir aftan á buxunum til þess að hækka að aftan.

 *Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Double Sunday frá Sandnes Garn.

Garn

Double Sunday frá Sandnes Garn (50 g/108 m) (sýnt í litnum Dusty Rose), Scout frá Kelbourne Woolens (100 g/250 m) eða Babyalpaka frá Kremke (50 g/100 m)

Það sem þarf

• 4,5 mm hringprjón
• 4,0 mm hringprjón
• 4,5 mm sokkaprjóna
• 4,0 mm sokkaprjóna
• Prjónamerki

Prjónfesta

10 cm = 21 lykkjur mynsturprjón

VÍK barnapeysa er hluti af VÍK línunni frá MeMe Knitting. Peysan er prjónuð í hring frá hálsmáli með laskaútaukningum.. Einföld en falleg blanda af sléttu- og perluprjóni.

 *Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Double Sunday frá Sandnes Garn.

Garn

Double Sunday frá Sandnes Garn (50 g/108 m) (sýnt í litnum Ballet Shoes), Scout frá Kelbourne Woolens (100 g/250 m) eða Babyalpaka frá Kremke (50 g/100 m)

Það sem þarf

• 4,5 mm hringprjón / 40 cm
• 4,0 mm hringprjón / 40 cm
• 4,5 mm sokkaprjóna
• 4,0 mm sokkaprjóna
• Prjónamerki

Prjónfesta

10 cm = 21 lykkjur mynsturprjón

MOSI buxur eru prjónaðar ofan frá með tvöföldum buxnastreng og bandi í mitti. Gerðar eru stuttar umferðir til þess að hækka buxurnar að aftan. Auðvelt er að setja skemmtilegan svip á buxurnar með því að prjóna faldinn og reimina með öðrum lit. Einnig er hægt að sleppa reiminni og setja teygju í staðinn fyrir krakka sem vilja klæða sig sjálf án vandræða.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Scout frá Kelbourne Woolens (100g/250m), Bébé Soft Wash frá Kemke (50g/140m) eða Double Sunday frá Sandnes (50g/108m).

Það sem þarf

• 4,0 mm hringprjón
• 3,5 mm hringprjón
• 4,0 mm sokkaprjóna
• 3,5 mm sokkaprjóna
• Prjónamerki
• Tölur

Prjónfesta

10 cm = 22 lykkjur sléttprjón

Kría teppi er hluti af Kría línunni frá MeMe Knitting og hentar sérstaklega vel með Kríu ungbarnagalla og Kríu hjálmhúfu. Teppið er ferkanntað, prjónað í hring frá miðju og þarf því aldrei að prjóna rönguna. Hægt er að nota hvaða garn og prjónastærð sem er og prjóna þar til óskaðri stærð er náð. Miðað er við að teppið sé 80 cm x 80 cm.

Teppið á myndinni er prjónað úr tvöföldum þræði af Sandnes Sunday í litnum Chocolate Truffle 2564 en einnig er mælt með Sandnes Double Sunday sem gefur sömu prjónfestu.

Það sem þarf

• 4,5 mm sokkaprjónar
• 4,5 mm hringprjónar (60 og 80 cm)
• 300 grömm af Sandnes Sunday (50 g / 235 m) eða Sandnes Double Sunday (50 g / 108 m)

Prjónfesta

21 lykkjur = 10 cm

RÖKKUR fullorðinspeysa er hneppt golla prjónuð frá hálsmáli. Peysan er stutt og er hugsuð við kjóla, en einfalt er að síkka peysuna og er gert ráð fyrir því í uppskriftinni. Fyrir þrönga peysu er mælt með því að velja stærð sem gefur 5-8 cm aukinn slaka en fyrir víðari peysu er mælt með því að velja þá stærð sem gefur 8-13 cm aukinn slaka (e. Positive Ease) miðað við mælt brjóstmál. Hin fullkomna kjólapeysa.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Babyalpaka frá Kremke

Garn

Babyalpaka frá Kremke (50 gr / 100 metrar) eða Scout frá Kelbourne Woolens (100 gr / 250 metrar)

 Það sem þarf

• 4,0 mm hringprjón
• 3,5 mm hringprjón
• 4,0 mm sokkaprjóna
• 3,5 mm sokkaprjóna
• Prjónamerki
• 4-6 tölur

Prjónfesta

10 cm = 21 lykkjur sléttprjón

KRÍA krakkagalli er prjónaður ofan frá hálsmáli með fallegu mynstri sem fylgir laskaútaukningum sem látið er leiðast niður bolinn og skálmar. Gallinn passar sérstaklega vel við aðrar flíkur úr KRÍU línunni frá MeMe Knitting.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Double Sandnes Sunday

Garn

Double Sunday frá Sandnes  (50 gr / 108 metrar) eða Scout frá Kelbourne Woolens (100 gr / 250 metrar) 

Það sem þarf

• 4,5 mm hringprjón
• 4,5 mm sokkaprjóna
• 4,0 mm hringprjón
• 4,0 mm sokkaprjóna
• Tölur
• Prjónamerki

Prjónfesta

21 lykkjur sléttprjón á 10 cm

VÍK hneppt barnapeysa er hluti af VÍK línunni frá MeMe Knitting. Peysan er prjónuð fram og til baka frá hálsmáli með laskaútaukningum. Ermar eru með víðu sniði og hentar peysan því mjög vel sem jakkapeysa. Einföld en falleg blanda af sléttu- og perluprjóni.

*Athugið að um áætlað magn af garni er að ræða og er ólíkt eftir garni og prjónara hversu mikið þarf. Miðað er við Double Sunday frá Sandnes Garn.

Garn

Double Sunday frá Sandnes Garn (50 g/108 m) (sýnt í litnum Almond), Scout frá Kelbourne Woolens (100 g/250 m) eða Babyalpaka frá Kremke (50 g/100 m)

Það sem þarf

• 4,5 mm hringprjón / 40 cm
• 4,0 mm hringprjón / 40 cm
• 4,5 mm sokkaprjóna
• 4,0 mm sokkaprjóna
• Prjónamerki

Prjónfesta

10 cm = 21 lykkjur mynsturprjón

Einfaldar og skemmtilegar bleyjubuxur á þau yngstu. Mynstrið er bæði að framan- og aftanverðum buxunum sem tengist á snyrtilegan hátt með því að lykkja saman klofið. Buxurnar eru prjónaðar ofan frá mitti og axlabönd og skálmaop prjónuð síðast með því að taka lykkjur upp.

*Athugið að um áætlað magn af garni er að ræða og er ólíkt eftir garni og prjónara hversu mikið þarf.

Garn

Double Sunday frá Sandnes Garn (50 g/108 m) (sýnt á mynd í litnum Kardemomme), Scout frá Kelbourne Woolens (100 g/250 m) eða Babyalpaka frá Kremke (50 g/100 m)

Það sem þarf

• 4,5 mm hringprjón / 40 cm
• 4,0 mm hringprjón / 40 cm
• 4,0 mm sokkaprjóna
• Prjónamerki
• Nál til að lykkja saman

Prjónfesta

10 cm = 21 lykkjur sléttprjón

Falleg húfa úr KRÍU línunni frá MeMe Knitting sem passar sérstaklega vel með KRÍU barnapeysu og KRÍU fullorðinspeysu.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

** Athugið að um ummál húfu er að ræða, gert er ráð fyrir u.þ.b. 5-8 cm lengra ummáli þegar verið er að mæla höfuð.  

Garn

Scout frá Kelbourne Woolens (sýnt á mynd) (100g/250m) eða Bébé Soft Wash frá Kremke (50g/140m) eða BabyAlpaka frá Kremke (50g/100m) eða Sandnes Double Sunday (50g/108m)

Það sem þarf               

• 4,0 mm hringprjónn / 40 cm
• 4,0 mm sokkaprjónar
• Prjónamerki

Prjónfesta

Eitt mynstur = 3 cm eða 21 lykkjur = 10 cm sléttprjón

KRÍA fullorðinspeysa er hluti af KRÍA línunni frá MeMe Knitting. Peysan er prjónuð ofan frá hálsmáli þar sem byrjað er á háum og góðum rúllukraga. Stuttar umferðir eru gerðar til þess að móta hálsmálið. Mynstur fylgir laskaútaukningum á berustykki og er látið leiðast niður bolinn. Fyrir byrjendur er hægt að sleppa stuttum umferðum í hálsmáli.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Scout frá Kelbourne Woolens (sýnt á mynd) (100g/250m) eða Bébé Soft Wash frá Kremke (50g/140m) eða Double Sunday frá Sandnes (50g/108m)

Það sem þarf               

• 4,0 mm hringprjónar - 40 og 60 cm
• 3,5 mm hringprjónar – 40 og 60 cm
• 4,0 mm sokkaprjónar
• 3,5 mm sokkaprjónar
• Prjónamerki

Prjónfesta

10 cm = 21 lykkjur sléttprjón

KRÍA barnapeysa er hluti af KRÍA línunni frá MeMe Knitting. Peysan er prjónuð ofan frá hálsmáli þar sem byrjað er á háum og góðum rúllukraga. Mynstur fylgir laskaútaukningum á berustykki og leiðist niður með bolnum.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Scout frá Kelbourne Woolens (sýnt á mynd) (100g/250m) eða Bébé Soft Wash frá Kremke (50g/140m) eða Double Sunday frá Sandnes (50g/108m)

Það sem þarf               

• 4,0 mm hringprjónar - 40 og 60 cm
• 3,5 mm hringprjónar – 40 og 60 cm
• 4,0 mm sokkaprjónar
• 3,5 mm sokkaprjónar
• Prjónamerki

Prjónfesta

10 cm = 21 lykkjur sléttprjón

SKJÓL barnavettlingar eru einfaldir og fljótlegir vettlingar fyrir krakka. Gott snið er á þeim sem fellur vel að þumlinum. Gerðar eru útaukningar sitthvoru megin við þumallykkjur þar til vettlingurinn hefur náð réttri vídd. Vettlingurinn er þá prjónaður og þumallinn síðast.

*Athugið að um áætlað magn er að ræða og er ólíkt eftir garni og prjónara hversu mikið þarf.

Garn

Scout frá Kelbourne Woolens (100gr/250m) eða Bébé Soft Wash frá Kremke (50gr/140m)

Það sem þarf

• 3,5 mm sokkaprjónar
• 4,0 mm sokkaprjónar

Prjónfesta

10 cm = 22 lykkjur sléttprjón

DRAUMUR ungbarnabuxur eru prjónaðar ofan frá og í hring. Stuttar umferðir eru prjónaðar að aftan til þess að auka pláss fyrir litla bossa, það er ekki nauðsynlegt en ef því er sleppt þá mæli ég með því að prjóna 1-2 cm lengra áður en komið er að klofi.

Athugið að um áætlað magn er að ræða og er ólíkt eftir garni og prjónara hversu mikið þarf.

Garn

Bébé Soft Wash frá Kremke eða Scout frá Kelbourne Woolens

Það sem þarf

• 3,5 mm hringprjón / 40 cm
• 4,0 mm hringprjón / 40 cm
• 3,5 mm sokkaprjóna
• 4,0 mm sokkaprjóna
• Prjónamerki

Prjónfesta

10 cm = 22 lykkjur sléttprjón

Dásamlega mjúk og fallegt peysa  fyrir yngstu börnin og er hluti af ÖGN ungbarnasetti. Peysan er prjónuð frá hálsmáli með laskaútaukning og notast er við stuttar umferðir við að móta hálsmálið. Einfaldleikinn er hafður að leiðarljósi í þessu setti - í einfaldleikanum býr fegurðin. 

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við BC Garn Semilla

Garn

BC Garn Semilla – fæst í vefverslun MeMe Knitting

Það sem þarf

• 3,5 mm hringprjón
• 4,0 mm hringprjón
• 3,5 mm sokkaprjóna
• 4,0 mm sokkaprjóna
• Prjónamerki

Prjónfesta

10 cm = 22 lykkjur sléttprjón

ÓSK barnakjóll er hluti af ÓSK línunni frá MeMe Knitting. Kjóllinn er prjónaður ofan frá með gata laskaútaukningu og fallegu gatamynstri að framan. Kjóllinn hentar fyrir öll tilefni þar sem hann er bæði hlýr og sparilegur.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens.

Garn

Scout frá Kelbourne Woolens, Morning Salutation frá Kremke eða Bébé Soft Wash frá Kremke – fæst í vefverslun MeMe Knitting

Það sem þarf

• 4,0 mm hringprjón (40 og 60 cm)
• 3,5 mm hringprjón (40 og 60 cm)
• 4,0 mm sokkaprjóna
• 3,5 mm sokkaprjóna
• Prjónamerki

Prjónfesta

10 cm = 22 lykkjur sléttprjón

LEIÐUMST vettlingar eru einfaldir og  fallegir vettlingar fyrir alla fjölskylduna. Byrjað er á vettlingnum frá stroffi og prjónað er eftir mismunandi mynstrugrafi fyrir hverja stærð.

*Athugið að um áætlað magn er að ræða og er ólíkt eftir garni og prjónara hversu mikið þarf.

Garn

Bébé Soft Wash frá Kremke eða Scout frá Kelbourne Woolens

Það sem þarf

3,5 mm sokkaprjóna

4,0 mm sokkaprjóna

20 cm spotti af aukabandi fyrir þumal

Prjónfesta

10 cm = 21 lykkjur mynsturprjón

YNDI ungbarnapeysa er dásamlega falleg peysa fyrir yngstu krílin með laufamynstri að framan. Peysan er prjónuð neðan frá mitti og með laskaúrtöku. Mælt er sérstaklega með YNDI samfellunni við.

 *Athugið að um áætlað magn er að ræða og er ólíkt eftir garni og prjónara hversu mikið þarf.

Garn

Scout frá Kelbourne Woolens eða Bébé Soft Wash frá Kremke

Það sem þarf

4,0 mm hringprjón

3,5 mm hringprjón

4,0 mm sokkaprjóna

3,5 mm sokkaprjóna

Prjónamerki

Tölur

Prjónfesta

10 cm = 22 lykkjur sléttprjón

YNDI samfella, eða romper eins og það er oft kallað, er dásamlega falleg flík fyrir ynstu börnin með fallegu mynstri að aftan fyrir litla bossa. Samfellan er prjónuð neðan frá, fyrst eru fram- og afturstykki prjónuð í sitthvoru lagi fram og til baka sem síðan eru sameinuð og prjónað í hring. Smekkurinn er svo prjónaður fram og til baka og lykkjur tekna upp fyrir axlaböndum.

 *Athugið að um áætlað magn er að ræða og er ólíkt eftir garni og prjónara hversu mikið þarf.

Garn

Scout frá Kelbourne Woolens eða Bébé Soft Wash frá Kremke

Það sem þarf

4,0 mm hringprjón

4,0 mm sokkaprjóna

3,5 mm sokkaprjóna

Prjónamerki

Tölur

Prjónfesta

10 cm = 22 lykkjur sléttprjón

YNDI ungbarnasett samanstendur af fallegri hnepptri peysu með gatamynstri að framan en slétt að öðru leyti, samfellu (romper) með mynstri að aftan og klassískri hjálmhúfu. Allt settið er prjónað neðan frá.

 *Athugið að um áætlað magn er að ræða og er ólíkt eftir garni og prjónara hversu mikið þarf.

Garn

Scout frá Kelbourne Woolens eða Bébé Soft Wash frá Kremke

Það sem þarf

4,0 mm hringprjón

3,5 mm hringprjón

4,0 mm sokkaprjóna

3,5 mm sokkaprjóna

Prjónamerki

Tölur

Prjónfesta

10 cm = 22 lykkjur sléttprjón

MISTUR ungbarnagalli er hluti af MISTUR línunni frá MeMe Knitting. Gallinn er prjónuð frá hálsmáli fyrst í tveimur stykkjum fram og til baka sem svo eru sameinuð í hring. Bolurinn er prjónaður og síðast ermar.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við Scout frá Kelbourne Woolens. Á mynd er Aðallitur Graphite, aukalitur Gray og mynsturlitur Strawberry.

Garn

Scout frá Kelbourne Woolens (sýnt á mynd) eða Bébé Soft Wash frá Kremke  – fæst í vefverslun MeMe Knitting

Það sem þarf

• 3,5 mm hringprjónn (60 cm)
• 4,0 mm hringprjónn (60 cm)
• 3,5 mm sokkaprjónar
• 4,0 mm sokkaprjónar
• Prjónamerki

Prjónfesta

10 cm = 22 lykkjur sléttprjón

MISTUR barnapeysa er hluti af MISTUR línunni frá MeMe Knitting. Peysan er prjónuð frá hálsmáli fyrst í tveimur stykkjum fram og til baka sem svo eru sameinuð í hring. Bolurinn er prjónaður og síðast ermar. Vegna þess að peysan er prjónuð ofan frá er auðvelt að lengja bol og ermar svo flíkin passi sem best á barnið.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað er við Semilla frá BC Garn. Á mynd er Aðallitur Chocolate, aukalitur Silver og mynsturlitur Brass.

Garn

BC Garn Semilla (sýnt á mynd), Bébé Soft Wash eða Scout 

Það sem þarf

• 3,5 mm hringprjónn (60 cm)
• 4,0 mm hringprjónn (60 cm)
• 3,5 mm sokkaprjónar
• 4,0 mm sokkaprjónar
• Prjónamerki

Prjónfesta

22 lykkjur = 10 cm

Mælt er með því að gera prjónfestuprufu til þess að tryggja að rétt prjónastærð er notuð.

Dásamlega mjúkt og fallegt sett  fyrir yngstu börnin. Peysan er prjónuð frá hálsmáli með laskaútaukning og notast er við stuttar umferðir við að móta hálsmálið. Smekkbuxurnar eru prjónaðar ofan frá, það er að byrjað er að prjóna frá hálsmáli smekksins. Á smekkbuxunum er einn lítill fléttukaðall sem gefur settinu skemmtilegan svip. Einfaldleikinn er hafður að leiðarljósi í þessu setti en í einfaldleikanum býr fegurðin.

*Athugið að um áætlað magn er að ræða og er ólíkt eftir garni og prjónara hversu mikið þarf. 

Garn
Bébé Soft Wash frá Kremke eða Scout frá Kelbourne Woolens eða Semilla frá BC Garn

Það sem þarf

3,5 mm hringprjón

4,0 mm hringprjón

3,5 mm sokkaprjóna

4,0 mm sokkaprjóna

Prjónamerki

Prjónfesta

ÓSK sumarblússa er hluti af ÓSK línunni frá MeMe Knitting. Blússan er prjónuð ofan frá með gata laskaútaukningu og fallegu gatamynstri að framan. Blússan er gerð síðari að aftan gert með stuttum umferðum sem gefur henni sérstaklega skemmtilegan svip ásamt smá púffi í ermum.

*Athugið að um áætlað magn er að ræða og er ólíkt eftir garni og prjónara hversu mikið þarf. Miðað við Dale Lerke.

Garn tillögur

Dale Lerke (sýnt á mynd), Kelbourne Woolens Scout eða Kremke Morning Salutation Vegan

Það sem þarf

• 4,0 mm hringprjónn (40 og 60 cm)
• 4,0 mm sokkaprjóna
• 3,5 mm sokkaprjóna
• Prjónamerki

Prjónfesta

10 cm = 22 lykkjur sléttprjón

*Athugið að um áætlað magn er að ræða og er ólíkt eftir garni og prjónara hversu mikið þarf

Garn

BéBé Soft Wash frá Kremke Soul Wool – fæst í vefverslun MeMe Knitting

Það sem þarf

• 3,5 mm hringprjónn (40 cm)
• 4,0 mm hringprjónn (40 cm)
• 4,0 mm sokkaprjónar
• Prjónamerki
• Nál

 Prjónfesta

Uppskriftin gerir ráð fyrir prjónfestu sem nemur 21 lykkju á 10 cm.

Í tilefni af tveggja ára afmæli MeMe Knitting var þessi uppskrift gefin út frí til allra okkar fylgjenda og vina. Mynstrið er það sama og í MÓEY peysu í ungbarnasettinu MÓEY&MOSI, hentar því húfan einstaklega vel með því setti á yngstu börnin. Annars er hún líka bara svo skemmtileg fyrir káta krakka og tilvalið að nýta afganga í dúska og gera húfuna enn litríkari.

*Athugið að um áætlað magn er að ræða og er ólíkt eftir garni og prjónara hversu mikið þarf. 

Garn

Scout frá Kelbourne Woolens eða Semilla frá BC Garn

Það sem þarf

• 3,5 mm hringprjónn (40 cm)
• 4,0 mm hringprjónn (40 cm)
• Nál
• Allt í dúskagerð

Prjónfesta: 22 lykkjur á 10 cm 

ÓSK barnapeysa er einföld í framkvæmd og hentar byrjendum í mynsturprjóni vel. Hún er prjónuð frá hálsmáli svo auðvelt er að breyta sídd peysunnar og ermum svo peysan passi sem best á væntanlegan eiganda.

Garn

Scout frá Kelbourne Woolens (100 g/250 m) eða My Wool frá Gepard (50 g/125 m)

Það sem þarf

• 4,0 mm hringprjón (40 og 60 cm)
• 3,5 mm hringprjónn 
• 4,0 mm sokkaprjóna
• 3,5 mm sokkaprjóna
• Prjónamerki

Prjónfesta

10 cm = 22 lykkjur sléttprjón

MÓEY barnapeysa er prjónuð fram og tilbaka og byrjað er að prjóna neðan frá. Ermarnar eru prjónaðar í hring, síðan sameinaðar við bol og berustykki prjónað fram og til baka með laskaúrtöku. Einfalt gatamynstur er prjónað á öllum bolnum, bæði að framan og aftan og á berustykkinu. 

MOSI buxur eru prjónaðar ofan frá með reim í mitti sem sett er inn í fald. Gerðar eru stuttar umferðir til þess að gera aukið pláss fyrir litla bossa. Auðvelt er að setja skemmtilegan svip á buxurnar með því að prjóna faldinn og reimina með öðrum lit. Einnig er auðvelt að sleppa reiminni og setja teygju í staðinn.